2015年12月14日 星期一

風水「樓/流」盤 ?

風水/ ?
    怎樣才算是一間風水屋? 這條問題,筆者已被問過無數次。然而,我並沒有一個確實答案,因為我派學說,着重個人命格所需,即使外環境優美形成吉美巒頭看似風水不錯,但與個人命格不合,也會影響運
   
    這年,樓宇買賣頻繁,人人都想趁低吸納,買心頭好。筆者這一陣子也較忙,多了顧客找我看樓宇風水。不過些情況想跟大家分享。

    某一天,筆者看同一座大廈同一方向的樓房後看了樓上樓下兩家風水,事主A及事主B命局相似命格不同而結果是吉凶各異!

事主A 是未買樓,但找筆者先查看幾個樓盤風水,再下定斷;事主B是已買一個單位,然後再找筆者視察風水,希望筆者幫忙佈局。

    命無正曜守命在未位的事主A,所考慮的樓盤筆者都有逐一查看,因為大限及流年田宅宮吉星疊疊的關係這天很容易便發現樓盤的風水跟事主A相配。於是解釋樓宇的風水情況能催旺某些吉利運程,建議事主A可下決定買下這個單位,然後筆者再加以佈局,以更能提升事主A 的運勢。整個過程十分順利,亦感謝事主A的信任,之後的風水佈局很快就完成。

    反之,天機巨門守命在卯位的事主B,請筆者查看已購之單位。而大限及流年田宅宮凶象入侵,發現單位的風水與事主B 不合,且會影響其運勢,但無奈事主B 已重金買下單位打算自住,否則真的想事主B散手離場。筆者亦只能以風水佈局幫忙改善,不過由於風水格局與事主B 命格不配,筆者要絞盡腦汁幫忙拆解風水不合所殘留的問題,但效力只有改善的份兒,而且在某程度上來說有缺點的

曾經有很多人問我是否需要每年睇風水?

事主A不一定需要每年睇家居風水如果每年跟進風水事宜是錦上添花命格與風水佈早已配合日子不看風水也可以

事主B筆者便建議需要每年跟進家居風水事宜原因命格與家宅風水甚不配合流年稍有出錯可能弄出大件事是有必要每年跟進的


買樓並非買菜所以寄予各位讀者如果想心頭好,住落身心舒暢順風順水在買樓落訂之前最好先了解這家居是否能適合住屋者以便心中有個預算

現在大家也應該知道同一屋簷下各人運氣不同樓房是否適合某一家人需要有慎的思量及考慮!

如曾經盛傳「風水寶地」XX山別墅,是「風水盤」,但曾連蝕伙,蝕近千萬,這玄機不難理解了吧!


坊間流傳的流年風水擺設不論是否正確也缺乏住屋者的配合可否直接套用呢?! 留待各位聰明的讀者驗證吧






#紫微斗數 #八字 #六壬 #奇門 #玄空 #易卜 #占卜
#梅花易數 #金口訣 #姓名學 #風水 #星座 #八卦
#玄學 #術數 #算命 #命運 #運氣 #astrology
#宮位 #命宮 #身宮 #命盤 #時辰 #太歲
#愛情 #事業 #健康 #父母 #朋友 #婚姻 #錢財
#置業 #名望 #戀愛 #家庭 #學業 #成就 #財富

2015年12月6日 星期日

她不是剩女、籮底橙、賣剩蔗

她不是剩女、籮底橙、賣剩蔗 

----懂得利用命盤顯示的運勢強弱,
規劃未來,進可攻,退可守。


武曲天府守命的事主已到適婚年齡,
不過還未找到合適的伴侶。
但她事業幹得出色,有車有樓,是生活富足的一個人。
有時舊客戶相識多年,每年來中心算流年時,總談起近況。

A
又到新年,真喺好怕拜年,
年年啲姨媽姑姐總喺問我幾時輪到我請飲,
我都只好扮無嘢,行開一邊。
天翼:
呢類情況,我都聽唔少。
事主忍受多年長輩明知故問,
繼續連珠發炮……喺要催婚!

A
話唔想有個伴,就喺假嘅。
未結到婚,你估我想嘅咩?
有時啲姨媽姑姐把口又喺嘅,現在咩年代呀?
話做女人,結咗婚,生咗仔就係好命水咩?!
其實想趁機會讚自己個女食腦,
嫁咗個有錢佬,唔洗做,仲生埋個仔……
跟住燒埋我個疊,同我阿媽講話我眼角高,
嫁唔出第時孤孤獨獨就好慘,又乜又物。
我點解年年新年想清靜吓,
都要比班「尊敬」嘅姨媽姑姐咀咒我第二時孤獨無依呀?!
我心諗:嫁咗有錢佬,啲錢就喺佢嘅咩?
點解仲喺覺得女人嫁得出,
男人搵到錢嚟衡量一個人嘅價值同埋成就呢!
見不少女客戶也有同樣的問題,
也聽了不少相類似的故事。

天翼:大家追求嘅嘢唔同,你愛自由,
重點唔喺求婚姻,自然唔認同長輩嗰套啦。

A
我好清楚自己追求啲咩嘢,人生苦短呀師傅,
姻緣嘅嘢可遇不可求,
我冇理由淨喺掛住搵男人養。
我又唔係廢人,我有手有腳,
我年年搵你睇流年就係要計劃將來。
師傅,你算過我桃花運最強最好嘅都唔係近幾年嘅事,
要到下一個十年桃花先漸漸咁旺,咁我覺得FAIR !
咁咪趁E家呢十年內,拚命努力追求我想要嘅嘢先囉,
留返下一個十年先享受吓桃花嘅樂趣。

筆者很認同事主的看法,上天很FAIR
我們每個人經歷的人物事總有分別,先後次序亦有不同。
你先享有家庭樂嗎?
那你便可能想放多點時間於照顧家庭上,
放棄當紮上位的好機會。
你想出國留學增值自己嗎?
那你可能要暫停在港發展的一切。
當你羨慕別人做少奶奶湊仔的同時,
又有否想過你能接受自己因只顧住湊仔,
終日左一袋右一袋BB用品,還跟朋友疏遠,
連去一個旅行也不能的無奈嗎?

事主A其實很理智很聰明,
她懂得利用命盤顯示的運勢強弱,
規劃未來,進可攻,退可守。
她知道這十年大限事業運及財運雄健,
就努力在這十年一鼓作氣打拚;
她知道下一個大限的桃花運會漸強,
是最適合婚期的大限,
所以她沒有在這個大限白等另一半的必要。
一個女人是否幸福、好命水,
在乎她能在生命中自主地掌握了甚麼。
我認為知命而創造命,追求自己想要的東西,
滿足自己的心靈,
總比做到別人眼中的「好」為佳。
憑自己努力得到自己想要的生活,
才是幸福的女人。

眼前的事主跟我聊得忘形,
卻被術數中心內的鴿子時鐘響聲提醒。
喔咕……喔咕……喔咕
事主才驚覺時間已流走,她又爽朗地一句:
「師傅,唔得閒再講喇,我約咗朋友飲TEA,走喇。」

雖然,事主未結婚,但生活依然充實自在,
努力活出自己想要的人生。誰說她是剩女?
一點也不剩……只是人生大事出現的次序跟別人不同。

讀懂了她的命盤,在辛卯大限,
祿星疊疊,桃花星浮現,
會是賣剩蔗、籮底橙嗎?
要嫁得好,還是那一句:「十年未晚﹗」








#置業 #名望 #戀愛 #家庭 #學業 #成就 #財富