風水桃花緣
求簽指點、拜月老、戴粉晶、算命問姻緣、有婚宴聚會逢請必到、
參加不同興趣班、問神婆、新年擺桃花、食桃花、多穿鮮色衣服、
戴旺桃花的水晶、每到一個地方旅遊總愛到各大廟宇求姻緣符……
以上的方法，事主J 全都試過，可是一年又一年，
眼看身邊的同齡親友差不多都有影皆雙，但事主J 就是百思不得其解，
為何桃花愈求愈離她而去?
後來，時日一長，桃花還是不出現。
事主J 已對桃花的降臨不再抱任何希望，只好寄情工作。
筆者其中一個客戶介紹了事主J 給我，希望能指點迷津。
起初只見她對筆者不抱太大信心，
更向筆者直言：「我諗大大話話睇過十個八個算命師傅，
個個都話我邊一年有桃花，但係一年又一年，都唔見有囉！
不如天翼師傅你直接啲話我知，我係咪會孤獨終老?咁我就死心喇!」
筆者看看她的命盤，只是覺得她對選擇異性是有一點要求，
但個性不錯，靈巧健談，不見得她是沒有桃花或追求者。
筆者再細看事主J 的命盤，作詳細分析後，
發現事主的家居出了點風水問題。
隨即問她：「你間房係唔係有空嘅花樽、空嘅盒?
如果有，立即將佢拎走，或者收埋佢。依啲嘢會直接影響你嘅姻緣運。」
事主J 大為驚訝，雙眼瞪得很大，
說：「你點解知道? 我間房入面真係有你講嘅嘢?
我鍾意儲呢啲嘢。師傅，唔通你有天眼通?」
筆者對着事主J 苦笑了一下，
說：「我無神通，只用紫微斗數嚟分析。
你咁多年求桃花都食白果，好多時係因為見唔到身邊嘅桃花啫﹗」
事主J 開始對筆者的批算有點信心，
再問：「咁點算好? 我係唔係一世都見唔到桃花? 孤獨終老?」
於是筆者為她擇日，在房間重新佈局，
希望她早日發現身邊人覓得良伴佳偶。
而筆者看見事主J 滿手水晶鏈，
都不忘提醒她：「你嘅命格唔適合長期戴水晶或者玉石，
而且水晶顏色都唔啱，唔係一定粉紅晶就旺桃花，
唔好亂戴啲嘢上身，你咁樣戴，旺唔到桃花之餘，仲會影響埋你嘅健康。」
事主J 聽了又一陣驚訝，
說：「係咩? 我戴咗3,4 年喎，唔怪得知……成日病啦!」
事主J好像明白了一些後，便結束這次批算，揮手拜別!
事隔數月後，事主J 透過電郵傳來喜訊，
盛讚風水佈局十分湊效，桃花真的燦爛地開了。
原來真命天子一直在她左右，是共事已久的同事，但她並未發現，
而男方也不敢有所行動，更一度以為事主J已有另一半，
直到風水佈局催生後，男方突然鼓起勇氣表白，
事主J 也一早覺得男方不錯，就是這樣點頭答應甜蜜交往。
這個案就是命格與風水結合趨吉的例子。
命盤能了解事主命格，它帶來了不同的訊息，
揭發問題，再利用靈活的風水佈局，
把桃花呈現，帶到事主J 身邊。
而坊間流傳很多催旺桃花的方法，
如沒有針對個人命格所需要的元素就胡亂使用，很容易弄巧反拙。
寄予單身的朋友，桃花要開，十年未晚﹗
風水擺不好，一個月也嫌晚﹗
#紫微斗數 #八字 #六壬 #奇門 #玄空 #易卜 #占卜
#梅花易數 #金口訣 #姓名學 #風水 #星座 #八卦
#玄學 #術數 #算命 #命運 #運氣 #astrology
#宮位 #命宮 #身宮 #命盤 #時辰 #太歲
#愛情 #事業 #健康 #父母 #朋友 #婚姻 #錢財
#置業 #名望 #戀愛 #家庭 #學業 #成就 #財富
沒有留言:
張貼留言